ថ្ងៃទី 1 ខែមីនា ឆ្នាំ 2022

អ្នកជិតខាងក្នុងសង្កាត់ Rainier Beach ៖

សមាគម Mt. Baker Housing បានទទួល និងកំពុងតែអភិវឌ្ឍឡើងវិញនៅលើផ្ទៃដីប្រហែលជា 3.3 ហិចតានៅភាគ​អាគ្នេយ៍នៃស្ថានីយ៍រថភ្លើង Rainier Beach Light Rail ដែលមានទីតាំងនៅវិថី 9236 Renton Ave ។ ការទិញនេះរួមមាន​អតីតមជ្ឈមណ្ឌលព្យាបាល Thunderbird Treatment Center ដែលជាមជ្ឈមណ្ឌល​ព្យាបាលបញ្ហាប្រើប្រាស់​សារធាតុ​ញៀន​​សម្រាប់អ្នកជំងឺស្នាក់់ព្យាបាល ដែលពីមុនគ្រប់គ្រងដោយមជ្ឈមណ្ឌលថែទាំសុខភាព Seattle Indian Health Board។ បច្ចុប្បន្ន យើងហៅគម្រោងនេះថា “Thunderbird” ខណៈពេលដែលយើងកំពុងតែ​ស្ថិតក្នុងដំណាក់កាល​ដំបូងនៃគម្រោង។

គម្រោងនេះនឹងរួមបញ្ចូលទាំងអាគារ​ទាបៗ​​ជាច្រើន ដែលស្ថិតក្នុង​​សហគមន៍លំនៅ​ដ្ឋាន​គ្រួសារ​បែបមានសួនច្បារ ដែលមាន​ចំនួនប្រហែលជា 233 យូនីត។ សហគមន៍នឹងបម្រើដល់មនុស្សដែលរកកម្រៃបាន 60% នៃប្រាក់ចំណូល​មធ្យម​ក្នុងតំបន់ ដែលបច្ចុប្បន្ននេះស្មើនឹង $71,640 សម្រាប់គ្រួសារមួយដែលមានសមាជិក 4 នាក់នៅក្នុងទីក្រុង Seattle ។ ផែនការ​បច្ចុប្បន្នសម្រាប់​គម្រោងនេះទាមទារការរួមបញ្ចូលគ្នានៃស្ទូឌីយ៉ូ ដែលមានបន្ទប់គេង 1 បន្ទប់គេង 2 បន្ទប់គេង 3 និងបន្ទប់​គេង 4 ដែលមានប្រហែល 50% នៃយូនីតជាទំហំគ្រួសារ។ គម្រោងនេះ នឹងមិនរួមបញ្ចូលទីធ្លាសម្រាប់​ពាណិជ្ជកម្ម​ទេ ប៉ុន្តែនឹងរួម​បញ្ចូលអាគារកណ្តាល ដែលមានបន្ទប់សហគមន៍មួយ ចំណតរថយន្តធំទូលាយ និងកន្លែងលេងខាងក្រៅ​ផ្ទះ​សម្រាប់​អ្នករស់នៅ។ ​​​

ការទទួលបានគម្រោងនេះ គឺជាផ្នែកមួយដែលទ្រទ្រង់ដោយថវិកាទិញយក ដែលផ្តល់ដោយការិយាល័យលំនៅដ្ឋាន​របស់ទីក្រុង Seattle ។ សមាគម Mt Baker Housing នៅតែបន្តប្តេជ្ញាចិត្តក្នុងការផ្តល់ជូននូវលំនៅដ្ឋាន ដែលមាន​តម្លៃសមរម្យ ក៏ដូចជាកន្លែងរស់នៅប្រកបដោយសុខភាពល្អ នៅក្នុងភាគអាគ្នេយ៍នៃទីក្រុង Seattle ។ យើងស្វាគមន៍ និងពេញចិត្តចំពោះមតិ និងការចូលរួមរបស់សង្កាត់។ សមាគម Mt. Baker Housing មានសេចក្តីអំណរគុណ ដែលមានឱកាសមួយផ្សេងទៀត ដើម្បីនាំយកលំនៅដ្ឋាន ដែលមានតម្លៃ​សមរម្យបន្ថែមទៀតដល់​អ្នកជិតខាងក្នុងភាគ​អាគ្នេយ៍នៃទីក្រុង Seattle របស់យើង។

ប្រសិនបើអ្នកមានសំណួរណាមួយអំពីគម្រោងដ៏គួរឱ្យរំភើបនេះ សូមកុំស្ទាក់ស្ទើរចិត្តក្នុងការទាក់ទងទៅកាន់ Alisha Dall’Osto តាមរយៈ [email protected] ឬ 206-712-1519 ។ នឹងមានការប្រជុំសហគមន៍តាមអ៊ីនធឺណិត​នៅថ្ងៃទី៖ July 21, 2022 7pm-8pm។ បន្ថែមពីនេះ ប្រសិនបើអ្នកមិនអាចចូលរួមការប្រជុំសហគមន៍តាមអ៊ីនធឺណិតរបស់យើងបានទេ ខាងក្រោមនេះគឺជាតំណទៅកាន់ការស្ទង់មតិអំពីការអភិវឌ្ឍគម្រោងរបស់យើង ដើម្បីឱ្យយើងអាចទទួលបានយោបល់ និងមតិកែលម្អរបស់អ្នកលើការអភិវឌ្ឍនេះ៖ https://bit.ly/3Otd26n ។សូមគត់សម្គាល់ផងដែរថា រាល់ព័ត៌មានដែលប្រមូលបានអាចនឹង​ត្រូវបានផ្សព្វផ្សាយជាសាធារណៈ។ អ្នកក៏អាចអាន និងស្វែងរកបច្ចុប្បន្នភាព និងការចូលរួមរបស់សហគមន៍ ពេលវេលា និងទីតាំង​ជួបប្រជុំ ពាក់ព័ន្ធនឹងការអភិវឌ្ឍនេះតាមរយៈ៖https://mtbakerhousing.org/comment_forms/newhousing/